Íþróttir
|
Golf
| mbl
| 15.2.2010
| 10:16
Dustin Johnson varði titilinn
Dustin Johnson. Reuters
Dustin Johnson frá Bandaríkjunum sigraði á AT&T meistaramótinu í golfi sem fram fór á Pebble Beach vellinum þrátt fyrir að leika lokahringinn á 74 höggum. Johnson endaði á 16 höggum undir pari samtals og var hann einu höggi betri en David Duval og J.B Holmes.
Johnson, sem hafði titil að verja á þessu móti, og Paul Goydos voru jafnir í efsta sæti fyrir lokahringinn. Goydos lék af sér á lokahringnum og endaði í fimmta sæti eftir að hafa leikið síðustu 18 holurnar á 78 höggum eða 6 höggum yfir pari vallar.
Fyrir sigurinn fékk Johnson um 144 milljónir kr.
© Árvakur hf.
Öll réttindi áskilin
