Íþróttir
|
Golf
| mbl
| 17.2.2010
| 21:13
| Uppfært
18.2.2010
9:49
Tiger Woods boðar til fundar á föstudag
Bandaríski kylfingurinn Tiger Woods ætlar að tjá sig um einkalíf sitt og framtíðaráform sín á föstudaginn. Woods hefur ekki sést eða talað á opinberum vettvangi frá því í lok nóvember en einkalíf hans hefur verið helsta fréttaefnið á þeim tíma.
Umboðsmaður Woods segir að kylfingurinn ætli ekki að halda fréttamannafund með formlegum hætti en hann mun ræða við fjölmiðla í höfuðstöðvum PGA á Sawgrass vellinum.
Eins og áður segir hefur einkalíf kylfingsins verið fréttaefni fjölmiðla undanfarna mánuði og hefur hann ekki tekið þátt á golfmótum á þeim tíma.
© Árvakur hf.
Öll réttindi áskilin
