Kylfingar frá Evrópu áberandi á heimslistanum
Enski kylfingurinn Ian Poulter er í fimmta sæti heimslistans í golfi eftir sigurinn á heimsmótinu í holukeppni um helgina. Kylfingar frá Evrópu hafa sótt í sig veðrið í baráttunni um efstu sæti heimslistans en átta af alls þrettán efstu eru evrópskir. Tiger Woods er langefstur á þessum lista þrátt fyrir að hann hafi ekki keppt á golfmóti á undanförnum mánuðum.
Aðeins 12 kylfingar hafa náð efsta sæti heimslistans frá árinu 1986 en það var Þjóðverjinn Bernhard Langer sem var efstur á listanum þegar hann var birtur í fyrsta sinn. Woods hefur haldið efsta sætinu samfellt í 264 vikur.
Tuttugu efstu á heimslistanum:
1. Tiger Woods 12.60 stig.
2 Steve Stricker 7.93
3. Phil Mickelson 7.68
4. Lee Westwood 7.04
5. Ian Poulter 6.31
6. Paul Casey 6.03
7. Jim Furyk 5.35
8. Martin Kaymer 5.30
9. Rory McIlroy 5.00
10. Padraig Harrington 4.93
11. Henrik Stenson 4.90
12. Geoff Ogilvy 4.87
13. Sergio Garcia 4.40
14. Kenny Perry 4.36
15. Robert Allenby 4.23
16. Retief Goosen 4.05
17. Stewart Cink 4.00
18. Sean O'Hair 3.98
19. Ernie Els 3.95
20. Robert Karlsson 3.93
Þeir sem hafa náð efsta sætinu eru: Bernhard Langer, Seve Ballesteros, Greg Norman, Nick Faldo,Ian Woosnam, Fred Couples, Nick Price, Tom Lehman, Tiger Woods, Ernie Els, David Duval ogVijay Singh.






