Íþróttir
|
Golf
| mbl
| 24.2.2010
| 12:57
Stefán komst í gegnum niðurskurðinn í Marokkó
Stefán Stefánsson GR. mbl.is/Frosti
Stefán Stefánsson atvinnukylfingur úr GR komst í gegnum niðurskurðinn á Al Maaden Classic mótinu í Marokkó en það er hluti af þýsku EPD mótaröðinni. Stefán er í 29. - 55. sæti af 111 kylfingum.
Stefán lék á parinu í dag rétt eins og í gær. Stefán var stöðugur í leik sínum. Hann fékk þrjá fugla, þrjá skolla og 12 pör.
Hann hefði ekki mátt nota fleiri högg því þá hefði hann ekki fengið að leika síðasta hringinn á morgun. Stefán er átta höggum á eftir efsta manni.
© Árvakur hf.
Öll réttindi áskilin
