Íþróttir
|
Golf
| mbl
| 1.3.2010
| 8:31
Mahan sigraði í Phoenix
Hunter Mahan. AP
Hunter Mahan sigraði á opna meistaramótinu í golfi á PGA mótaröðinni sem fram fór í Phoenix. Mahan vann upp fjögurra högga forskot á lokahringnum en Rickie Fowler endaði í öðru sæti. Mahan lék síðustu tvo hringina á 65 höggum og samtals lék hann á 16 höggum undir pari.
Mahan, sem er 27 ára gamall, hafði ekki sigrað á PGA mótaröðinni frá árinu 2007 þegar hann sigraði á Travelers meistaramótinu. Fowler, sem er 21 árs gamall nýliði, hefur tvívegis endað í öðru sæti á þessu keppnistímabili.
Y. E. Yang frá Suður-Kóreu deildi öðru sætinu með Fowler en þeir voru báðir á 14 höggum undir pari vallar.
Mathew Goggin, Chris Couch og Charles Howell III voru jafnir í fjórða sæti á 13 höggum undir pari. Brandt Snedeker, sem var efstur fyrir lokahringinn, lék af sér á lokadeginum og endaði á 78 höggum.
© Árvakur hf.
Öll réttindi áskilin
