Frábær hringur hjá Valdísi Þóru í Las Vegas
Valdís Þóra Jónsdóttir. mbl.is/Sigurður Elvar/golf@mbl.is
Valdís Þóra Jónsdóttir Íslandsmeistari í höggleik kvenna lék vel á fyrsta keppnisdegi á háskólamóti í golfi sem fram á Boulder Creek vellinum fer í Las Vegas.
Valdís lék á 5 höggum undir pari vallar eða 67 höggum og er hún í öðru sæti í einstaklingskeppninni, tveimur höggum á eftir efsta kylfingnum, en Valdís keppir fyrir Texas State háskóliðið.
Valdís, sem er frá Akranesi, lék fyrri 9 holurnar á 4 höggum undir pari þar sem hún fékk fjóra fugla (-1) og einn örn (-2). Á síðari 9 holunum fékk hún tvo fugla (-2). Alls eru 95 keppendur á þessu móti. Texas State liðið sem Valdís leikur fyrir er í 12. sæti af alls 18 liðum á 13 höggum yfir pari samtals. Heimamenn úr UNLV háskólaliðinu eru í efsta sæti 7 höggum undir pari.
