Allt klárt fyrir KPMG bikarinn í golfi

Fyrirliðarnir Sigurður Pétursson og Gylfi Kristinsson. golf.is

KPMG bikarinn 2010 fer fram á Korpúlfsstaðavelli hjá Golfklúbbi Reykjavíkur dagana 10.-11 september, í KPMG bikarnum keppir úrvalslið höfuðborgar gegn úrvalsliði landsbyggðar. Búið er að velja liðin og eru þau þannig skipuð:

Úrvalslið Landsbyggðarinnar.
Andri Már Óskarsson, GHR                  
Björgvin Sigurbergsson, GK                                              
Helgi Birkir Þórisson, GSE                                     
Hlynur Geir Hjartarson, GK
Magnús Lárusson, GKj.                                         
Rúnar Arnórsson, GK                                                          
Sigurþór Jónsson, GK                                          
Nína Björk Geirsdóttir, GKj.                 
Þórdís Geirsdóttir, GK                                         
Davíð Gunnlaugsson, GKj                                                                  
Ólafur Hreinn Jóhannesson, GSE                                     
Sigurpáll Geir Sveinsson, GK                            

Gylfi Kristinsson liðsstjóri
Ingi Rúnar Gíslason aðst.liðsstjóri

Lið höfuðborgarsvæðisins:
Sigmundur Einar Másson, GKG
Guðmundur Ágúst Kristjánsson, GR
Birgir Leifur Hafþórsson, GKG
Arnar Snær Hákonarson, GR
Haraldur Franklín Magnús, GR
Guðjón Henning Hilmarsson, GR
Stefán Már Stefánsson, GR
Alfreð Brynjar Kristinsson, GKG
Nökkvi Gunnarsson, NK
Andri Þór Björnsson, GR
Berglind Björnsdóttir, GR
Hansína Þorkelsdóttir, GKG
Sigurður Pétursson liðsstjóri
Pétur Óskar Sigurðsson aðst.liðsstjóri

Eimskipsstigalistinn ræður mestu um það hverjir spila í KPMG bikarnum en kiðsstjórar hafa einnig val um leikmenn sem fyrra tvö síðustu sætin. 

Í ár verður ekki einungis um að ræða kylfinga af Eimskipslistanum því LEK mun einnig senda lið sem valið er að viðmiðunarlista LEK.

Úrvalslið landsbyggðarinnar vann öruggan sigur á úrvalsliði höfuðborgarinnar í viðureigninni um Bikarin árið 2009. Eftir fyrsta og aðrar umferð leiddi lið landsbyggðarinnar með 9 vinningum gegn 3 vinningum. Það var því ljóst að á brattan var að sækja fyrir lið höfuðborgarinnar undir stjórn Sigurðar Péturssonar Seinni daginn fóru fram 12 tvímenningar, leikar fóru þannig á endanum að lið landsbyggðarinnar vann með 17 vinningum gegn 7 og vann því Bikarinn 2009.  Það verður spennandi að sjá hvort lærisveinar Sigurðar Péturssonar nái fram hefndum í ár, það er þó örugglega ekki á dagskránni hjá Gylfa Kristinssyni að láta KPMG bikarinn af hendi.

Liðstjóri úrvalsliðs höfuðborgarinnar eldri er Garðar Eyland og liðsstjóri landsbyggðarinnar eldri er Sveinn Sveinsson þeir munu tilkynna lið sín í byrjun næstu viku.

Spilaðir skulu 24 leikir á tveimur dögum sem skiptast með svofelldum hætti:

Fyrir hádegi á fyrri keppnisdegi skulu leiknir 6 fjórleikir

Eftir hádegi á fyrri keppnisdegi skulu leiknir 6 fjórmenningar.

Seinni keppnisdag skulu leiknir 12 tvímenningar.

Leikfyrirkomulag eldri, fjöldi leikja og úrslit

Spilaðir skulu 24 leikir á tveimur dögum sem skiptast með svofelldum hætti:

Fyrir hádegi á fyrri keppnisdegi skulu leiknir 6 níu holu fjórleikir (holur 1 til 9)

Eftir hádegi á fyrri keppnisdegi skulu leiknir 6 níu holu fjórmenningar (holur 1 til 9)

Seinni keppnisdag skulu leiknir 12 tvímenningar. (18 holur)

Hlynur Geir Hjartarson. mbl.is/Ómar