Birgir Leifur í erfiðri stöðu

Birgir Leifur Hafþórsson. Reuters

Birgir Leifur Hafþórsson úr GKG er í erfiðri stöðu að loknum fyrsta keppnisdegi á 2. stigi úrtökumótanna fyrir Evrópumótaröðina. Birgir lék fyrsta hringinn í dag á 77 höggum sem er fimm högg yfir pari vallarins.

Birgir lék holur 10 til 18 á fimm yfir pari og þar fékk hann engan fugl, en einn skolla og tvo tvöfalda skolla. Holur 1 til 9 lék hann því á parinu og fékk þar þrjá fugla á holum 5 til 8.

73 kylfingar leika á Costa Ballena-vellinum í Jerez í suðurhluta Spánar og einungis tveir þeirra áttu verri dag en Birgir og léku á  79 höggum.

Völlurinn virðist ekki vera neitt sérstaklega auðveldur en bestu hringir dagsins voru upp á 68 högg eða fjóra undir pari. Alls léku 26 þeirra undir pari og Birgir á því mikið verk fyrir höndum ef hann ætlar að blanda sér í baráttuna um tuttugu efstu sætin að loknum 72 holum.