Magnús K. Magnússon úr Víkingi og Sigrún Ebba Tómasdóttir úr KR sigruðu á Grand Prix móti KR í borðtennis, sem fram fór í KR-heimilinu við Frostaskjól í gær.
Magnús lagði Davíð Jónsson úr KR 4-0 (11-7, 12-10, 11-5, 11-9) í úrslitum. Í undanúrslitum vann Magnús sigur á Gunnar Snorra Ragnarsson úr KR, 4-1 en Davíð vann Daða Frey Guðmundsson úr Víkingi, 4-3.
Sigrún Ebba vann Guðrúnu G. Björnsdóttur úr KR 4-3, (6-11, 11-4, 13-11, 9-11, 11-7, 5-11, 11-7) í jöfnum úrslitaleik. Sigrún vann Hrefnu Finnsdóttur úr HK, 4-0, í undanúrslitum en Guðrún vann Kolfinnu Bergþóru Bjarnadóttur úr HK, 4-0, í hinum undanúrslitaleiknum.
Pétur Marteinn Tómasson úr KR sigraði í B-keppninni.