Spennan magnast á opna breska meistaramótinu í golfi sem lýkur í dag. Flest augu beinast að Norður-Íranum Rory McIlroy sem hefur sex högga forystu á næsta mann, Bandaríkjamanninn Ricky Fowler, fyrir lokahringinn. McIlroy lék fyrstu þrjá hringina á samtals 16 höggum undir pari.
McIlroy og Fowler eru saman í síðasta ráshópnum í dag og verða þeir ræstir út klukkan 13.40 að íslenskum tíma á Royal Liverpool-vellinum í Holylake.