Birgir Leifur Hafþórsson, kylfingur úr GKG og Íslandsmeistari í höggleik, náði sér ágætlega á strik á fyrsta keppnisdegi á fyrsta stigi úrtökumótsins fyrir Evrópumótaröðina í Portúgal í dag. Hann lék á 69 höggum, þremur höggum undir pari og er í 4. til 12. sæti.
Birgir Leifur er tveimur höggum á eftir efstu mönnum.
Mótið er haldið á Ribagolf í Lissabon. Keppendur eru 94 og komast 30 þeirra áfram á annað stig að lokinni fjögurra daga keppni.
Frá þessu er greint á kylfingur.is.