Golfþjálfarinn Butch Harmon telur að Rory McIlroy sé mögulega að verða of vöðvastæltur fyrir íþróttina og sé því kannski að fara í þá átt sem Tiger Woods fór.
Ef þú horfir á Tiger og sérð hversu mikið sterkari hann er og horfir svo á Rory núna,“ sagði Butch og hélt áfram.
„Eina viðvörunin sem ég myndi veita Rory er, þar sem ég sé hann oft lyfta mjög þungt í ræktinni, þá hugsa ég að hann geti á vissan hátt næstum því skaðað sjálfan sig og orðið of massaður,“ sagði Butch en þessi mikli sveiflusérfræðingur var eitt sinn þjálfari Tigers Woods og skýtur lúmskum skotum á kappann.
„Hann (Tiger) þarf ekki þjálfara. Hann þarf að fara á æfingasvæðið og taka nokkur högg. Það lítur stundum út fyrir að hann sé ekki að stunda golf heldur „golfsveiflu“. Á þeim tíu árum sem ég þjálfaði hann þá málaði hann alltaf mynd í huganum af högginu sínu. Hann gat séð stefnuna, formið sem höggið tæki á sig. Svo framkvæmdi hann höggið. Það sem ég hef séð af Tiger á undanförnum árum er að hann er eins og vélmenni, að búa sér til líkamsstöðu fyrir sveiflu í stað þess að spila golf,“ sagði Butch.