Þórður Rafn Gissurarson, kylfingur úr GR, lék gott golf á Casa Green-vellinum í Marokkó í Afríku í vikunni. Þórður hafnaði þá í 8. - 11. sæti á móti á þýsku Pro Golf-mótaröðinni.
Þórður lék hringina þrjá á 69, 72 og 70 höggum sem er fimm högg undir pari vallarins. Þórður var fjórum höggum á eftir sigurvegaranum, Nicolas Meitinger frá Þýskalandi.
Þetta er áttunda mótið hjá Þórði á Pro Golf mótaröðinni - sem er í flokki þriðju sterkustu atvinnumannadeildar Evrópu samkvæmt fréttatilkynningu frá GSÍ. Þar segir ennfremur að um besta árangur Þórðar á árinu sé að ræða.
Hann verður áfram í Marokkó og leikur á öðru móti þar hinn 20. apríl.