Smáþjóðaleikar 2015 fara fram í næstu viku í Reykjavík. Nemendur í 1. - 7. bekk í Sjálandsskóla og nemendur Alþjóðaskólans tóku forskot á sæluna og voru með sína eigin smáþjóðaleika í gær, föstudaginn 29. maí.
Skipt var niður á fjögur svæði þar sem keppt var í hinum ýmsu íþróttagreinum. Í hádeginu kom Blossi, lukkudýr leikanna og heilsaði upp á nemendur. Hann lék allskonar listir eins og að standa á höndum og fara í heljarstökk og vakti mikla lukku hjá nemendum.
„Smáþjóðaleikarnir“ þóttu takast vel og nemendur beggja skólanna skemmtu sér vel enda veðrið með eindæmum gott í gær.
Myndir frá leikunum má sjá efst í fréttinni.