Bandaríkjamaðurinn Rickie Fowler hrósaði sigri á opna skoska mótinu í golfi sem lauk á Gullane-vellinum í gær.
Fowler tryggði sér sigurinn með því að fá fugl á síðustu holunni en mjög hörð keppni var um sigurinn. Fowler lauk kepppni á 268 höggum eða 12 höggum undir parinu en Bandaríkjamaðurinn Matt Kuchar og Frakkinn Raphael Jacquelin komu á hæla hans en þeir luku keppni á 269 höggum.
Þetta var fjórði sigur hins 26 ára gamla Fowlers á atvinnumannaferlinum en fyrr á þessu ári hrósaði hann sigri á Players-meistaramótinu. gummih@mbl.is