Davis Love III hrósaði sigri á Wyndham meistaramótinu í golfi sem lauk í Norður-Karólínu í kvöld.
Love lék lokahringinn á sex höggum undir pari og lauk keppni á 263 höggum og er hann þriðji elsti maðurinn til að vinna á mót í PGA-mótaröðinni en hann er 51 árs gamall. Jason Gore kom næstur á 264 höggum og Charl Schwartzel, Paul Casey og Scott Brown léku allir á 265 höggum.
Tiger Woods, sem var í öðru sæti fyrir lokahringinn og eygði þar með von um að vinna sitt fyrsta mót í tvö ár, átti ekki góðan lokahring. Hann lék á parinu og endaði keppni á 267 höggum. Hann kemst því ekki í FedExCup úrslitakeppnina sem hefst í vikunni.