Birgir Leifur Hafþórsson, atvinnukylfingur úr GKG, endaði í 29. sæti á Bridgestone Challenge-mótinu í Oxford-héraði á Englandi í dag. Hann fór lokahringinn á 74 höggum eða tveimur yfir pari.
Birgir átti frábært mót en fór samtals á níu höggum undir pari. Besti hringurinn hans var í gær er hann lék á sjö höggum undir pari eða 65 höggum.
Hann átti þokkalegan dag í dag en þegar fjórtán holur voru búnar var hann á pari. Hann fékk svo skolla á lokaholunum og fór því á tveimur höggum yfir pari.
Það má búast við því að Birgir fari upp um nokkur sæti á stigalistanum en hann situr nú í 113. sæti listans.
Belgíski kylfingurinn Thomas Detry vann mótið en hann fór á 29 höggum undir pari. Hann lék lokahringinn á níu höggum undir pari.