Kylfingurinn Ólafía Þórunn Kristinsdóttir úr GR missti flugið á þriðja hring Opna spænska mótinu í golfi sem er hluti af Evrópumótaröðinni.
Ólafía komst í gegnum niðurskurðinn eftir að hafa leikið fyrstu tvo hringina samtals á þremur höggum undir pari. Hringinn í dag spilaði hún hins vegar á fjórum höggum yfir pari, fékk einn fugl og fimm skolla.
Hún er því samtals á sjö höggum yfir pari og er jöfn fleiri kylfingum í 46. sæti. Lokahringurinn er spilaður á morgun, en efsti kylfingur er Beth Allen frá Bandaríkjunum á níu höggum undir pari.
Um er að ræða fjórða mót ársins hjá Ólafíu á Evrópumótaröðinni. Hún komst ekki í gegnum niðurskurðinn á tveimur þeirra en náði góðum árangri á því þriðja sem haldið var í Tékklandi og hafnaði þar í 16. sæti.