Kylfingurinn Valdís Þóra Jónsdóttir, úr Leyni á Akranesi, fór vel af stað á sínum fyrsta hring á Evrópumótaröðinni, LET, í Ástralíu í gærkvöld.
Valdís lék á 71 höggi eða á tveimur undir pari vallarins og er í 22.-34. sæti. Hún fékk alls þrjá fugla, einn skolla og 15 pör á hringnum.
Laura Davies frá Englandi er í forystu eftir en hún lék á 65 höggum eða átta höggum undir pari vallarins.
Valdís Þóra hefur leik á öðrum hringnum kl. 00.40 í nótt eða klukkan 11.40 að staðartíma.