Ólafía Þórunn Kristinsdóttir er í 41.-61. sæti eftir fyrsta hringinn á Opna ástralska mótinu í golfi í Adelaide en það er annað mót ársins á LPGA-mótaröðinni, sterkustu mótaröð heims.
Kylfingarnir í seinna hollinu voru að ljúka keppni og en Ólafía kláraði sinn hring laust fyrir klukkan 2 í nótt að íslenskum tíma þar sem hún lék á 72 höggum eða einu höggi undir pari.
Ólafía lék fyrsta hring á höggi undir pari eins og fylgst var með í beinni lýsingu hér á mbl.is í gærkvöld og nótt.
Katherine Kirk frá Ástralíu er með forystu eftir fyrsta hringinn en hún lék hann á 65 höggum eða átta höggum undir pari.
Ólafía fer seinna af stað á öðrum hring en hún hefur þar keppni næstu nótt um klukkan 1.30. Keppendur eru 144 og um það bil 70 þeirra halda áfram eftir niðurskurðinn að loknum öðrum hring.