Fyrstu kylfingarnir eru farnir af stað á þriðja hring Masters-mótsins í golfi sem haldið er á Augusta National-golfvellinum í Bandaríkjunum.
Fjórir kylfingar eru í forystu fyrir daginn í dag á -4 en það eru Bandaríkjamennirnir Charley Hoffman og Rickie Fowler, Spánverjinn Sergio Garcia og Belginn Thomas Pieters. Enginn af þeim hefur unnið risamót í golfi áður þótt þeir Fowler og Garcia hafi báðir komist nálægt því oftar en einu sinni. Hoffman og Garcia eiga teig kl. 19:00 en þeir Pieters og Fowler kl. 18:50.
Englendingurinn Justin Rose er á -1 og á teig kl. 18:20 ásamt Fred Couples frá Bandaríkjunum en með þeim í ráshóp er Adam Scott frá Ástralíu á parinu.
Jordan Spieth og Phil Mickelson eru báðir á parinu og eru í ráshópi kl. 18:10 ásamt Matt Kuchar frá Bandaríkjuum sem er á +1.
Norður-Írinn Rory McIlroy er á +1 og í ráshópi kl. 18:00, með Dananum Søren Kjeldsen og Charl Schwartzel frá Suður-Afríku.
Stöðuna í mótinu má í heild sinni sjá hér.