Kylfingurinn Valdís Þóra Jónsdóttir komst nokkuð örugglega í gegnum niðurskurðinn á Lalla Meryem-mótinu í golfi sem fram fer í Marokkó um þessar mundir. Hún lék fyrstu tvo hringina á samtals þrem höggum yfir pari.
Valdís spilaði annan hring mótsins í dag og stóð sig með miklum ágætum. Hún fékk fjóra fugla, þrjá skolla og ellefu pör og var því á einu höggi undir pari í dag. Hún bætir sig því um fimm högg á milli daga.
Hún er í 34.-42. sæti mótsins fyrir þriðja daginn sem fer fram á morgun.