Valdís Þóra Jónsdóttir, kylfingur úr Leyni, lék fyrstu níu holurnar á lokahring Lalla Meryem-mótsins í golfi á pari vallarins. Valdís Þóra hefur því leikið samtals á fjórum höggum yfir pari vallarins á mótinu.
Lalla Meryem-mótið er annað mót Evrópumótaraðarinnar sem er næst sterkasta mótaröðin í golfi kvenna á eftir LPGA mótaröðinni. Leikið er á Golf Dar Es Salam vellinum í Marokkó. Valdís Þóra mun ljúka keppni á Lalla Meryem-mótinu um hádegi í dag.