Æði virðist vera runnið á Skagamanninn Birgi Leif Hafþórsson á öðrum hringnum á Swiss Challenge-mótinu á Áskorendamótaröðinni í golfi. Hann er nú samtals níu högg undir pari vallarins og aðeins höggi á eftir efsta manni.
Birgir er búinn að leika tíu holur í dag og hefur spilað þær á fimm höggum undir pari. Hefur fengið þrjá fugla, einn örn og fimm pör sem er mögnuð spilamennska.
Í gær lék Birgir á 67 höggum eða á fjórum undir pari. Fékk þá fjóra fugla, einn skolla og þrettán pör.
Ekki er til eins mikils að vinna í peningaverðlaunum á Áskorendamótaröðinni eins og á bestu mótaröðunum sem þær Ólafía Þórunn Kristinsdóttir og Valdís Þóra Jónsdóttir leika á. En sigur í móti á Áskorendamóti getur hins vegar tryggt ýmis réttindi og þá meðal annars á sjálfri Evrópumótaröðinni þar sem Birgir lék fyrir tæpum áratug síðan.
Besti árangur Birgis í móti á Áskorendamótaröðinni í gegnum tíðina er 2. sæti.