Atvinnukylfingurinn Padraig Harrington hefur dregið sig úr keppni á St. Jude Classic-mótinu sem hefst á fimmtudaginn. Harrington hlaut áverka á olnboga þegar hann var að kenna óvönum kylfingi sem hæfði Harrington í miðri æfingasveiflu.
Sauma þurfti sex spor, en óhappið kemur í veg fyrir að hann geti keppt á St. Jude Classic sem er hluti af PGA-mótaröðinni.
„Ég hélt að þetta væru endalok mín í keppnisgolfi,“ sagði Norður-Írinn eftir atvikið, en áætlað er að hann verði frá í 12 daga.