Egill Ragnar Gunnarsson, GKG, og Guðrún Brá Björgvinsdóttir, Keili, fögnuðu í dag sigri á Íslandsmótinu í holukeppni, KPMG-bikarsins í golfi, sem fram fór á Vestmannaeyjavelli um helgina.
Egill og Guðrún höfðu aldrei áður unnið mótið og því verða ný nöfn grafin á bikarinn í báðum flokkum.
Guðrún Brá sigraði stöllu sína úr Keili, Helgu Kristínu Einarsdóttur, 3/2 en Egill sigraði Alfreð Brynjar Kristinsson, GKG, nokkuð örugglega, 5/3.
Anna Sólveig Snorradóttir, GK, vann Hafdís Öldu Jóhannsdóttur, GK, í leiknum um þriðja sætið kvennamegin, 5/4. Karlamegin hafði Stefán Þór Bogason, GR, betur gegn Jóhannesi Guðmundssyni, GR, í leiknum um þriðja sætið, 2:0.