Will Smith er kylfusveinn Ólafíu

At­vinnukylf­ing­ur­inn Ólafía Þór­unn Krist­ins­dótt­ir er á góðri leið með að tryggja sér áframhaldandi þátttöku á LPGA-mótaröðinni í golfi. Alfreð bróðir Ólafíu kíkti í Magasínið og spjallaði um árangurinn og golfið. 

Ólafía Þór­unn kom í hús á níu högg­um und­ir pari, samtals í fjórða sæti, degi fyrir lokahring á Indy Women-mót­inu á LPGA-mótaröðinni í Indi­ana­pol­is í dag. Fyrir hring var hún í 101. sæti á peningalistanum en hún þarf að ná niður fyrir 100. sæti til að hafa þátttökurétt á næstu mótaröð. Ef hún nær svipaðri spilamennsku á morgun má búast við því að hún nái að lækka sig niður í 80. sæti. 

Komust hlustendur K100 að ýmsu í spjalli Huldu og Hvata við Alfreð. Meðal annars að Ólafía hefur ráðið sér atvinnukylfusvein sem ber sama nafn og Hollywood leikarinn frægi. 

Hér að neðan má hlusta á viðtalið í heild. Fylgst verður með gangi mála á hringn­um hjá Ólafíu á morgun í beinni texta­lýs­ingu hér á mbl.is. 

• Blogga um frétt