Atvinnukylfingurinn Axel Bóasson er enn á meðal efstu manna eftir 2. hring á SGT Tourfinal mótinu sem er lokamótið Nordic Golf mótaraðarinnar og fram fer í Árósum í Danmörku. Hann lék á 71 höggi í dag eða einu höggi yfir pari. Axel er samtals á fjórum höggum yfir pari og í 4. sæti ásamt fleiri kylfingum.
Haraldur Franklín Magnús náði sér hins vegar ekki á strik í dag, lék á 76 höggum eða sex höggum yfir pari. Hann er samtals á átta höggum yfir pari og í 15.-19 sæti af 30 kylfingum.