Berglind Björnsdóttir úr GR og Guðrún Brá Björgvinsdóttir hefja í dag leik á 1. stigi úrtökumótanna fyrir Evrópumótaröðina í golfi.
Þær eru að reyna við mótaröðina í fyrsta skipti og munu leika í Marokkó. Þær verða á sama vellinum en keppt er á þremur völlum á 1. stiginu.
Lokamótið mun einnig fara fram í Marokkó en það verður ekki fyrr en um miðjan desember.
Þremur íslenskum konum hefur tekist að komast á Evrópumótaröðina í gegnum úrtökumótin. Ólöfu Maríu Jónsdóttur úr Keili, Ólafíu Þórunni Kristinsdóttur úr GR og Valdísi Þóru Jónsdóttur úr Leyni.