Ólafur og Guðjón fá ekki að spila með heimsliðinu

Guðjón Valur Sigurðsson og Ólafur Stefánsson leika saman hjá RN Löwen í vetur. Brynjar Gauti

Eftir Ívar Benediktsson, iben@mbl.is

Samkvæmt heimildum Morgunblaðsins mun Torsten Storm, framkvæmdastjóri RN Löwen, hafa tilkynnt Króötum og Alþjóða handknattleikssambandinu að hann ætli ekki sleppa Guðjóni Val og Ólafi í leikinn. Ástæðan er þess er sú að leikurinn fer ekki fram á alþjóðlegum leikdegi. Því ber Löwen ekki skylda til þess að gefa leikmönnum sínum leyfi til þess að taka þátt í afmælisleiknum.

Guðjón Valur og Ólafur eru einu leikmenn RN Löwen sem voru valdir í heimsliðið að þessu sinni. Ólafur hefur margoft verið valinn til að leika með heimsliðinu en aldrei tekið þátt. Þetta er hins vegar í fyrsta sinn sem Guðjón Valur er kallaður inn í liðið.