Akureyri burstaði Gróttuna

Oddur Gretarsson skoraði 9 mörk í kvöld fyrir Akureyri. mbl.is/Þórir Tryggvason

Akureyri vann stórsigur á Gróttu, 33:19, í úrvalsdeild karla í handknattleik, N1-deildinni, í Höllinni á Akureyri í kvöld. Akureyri er þá komin með 13 stig eftir 11 leiki en Grótta situr áfram í 6. sætinu með 8 stig eftir 11 leiki.

Nánar í íþróttablaði Morgunblaðsins á morgun.

Fylgst var með leiknum í beinni textalýsingu hér á mbl.is:

60. Leiknum lokið með stórsigri Akureyrar, 33:19, eftir 17:10 í hálfleik. Oddur Gretarsson skoraði 9 mörk fyrir Akureyri og Árni Þór Sigtryggsson 8. Anton Rúnarsson skoraði 8 mörk fyrir Gróttu og Hjalti Pálmason 5.

50. Akureyri er löngu búið að gera út um leikinn og staðan er 30:14.

41. Akureyringar létu kné fylgja kviði í byrjun síðari hálfleiks og staðan er orðin 22:12. Oddur Gretarsson hefur farið vel af stað og er kominn með 7 mörk eins og Árni Þór.

30. Flautað til hálfleiks og Akureyri er komið með vænlega stöðu, 17:10, eftir að hafa komist í 13:9. Árni Þór Sigtryggsson skoraði 7 mörk fyrir Akureyri í fyrri hálfleik og Oddur Gretarsson 4. Hjalti Pálmason gerði 4 mörk fyrir Gróttu.

21. mín. Grótta náði að minnka muninn í eitt mark, 7:6, en Akureyri jók forskotíð á ný, 11:8. Árni Þór Sigtryggsson er með 4 mörk fyrir Akureyri og Hjalti Pálmason 3 fyrir Gróttu.

11. mín. Akureyri hefur byrjað mun betur og náð 5:1 forystu. Árni Þór Sigtryggsson skoraði tvö af þessum fimm mörkum.