Fram er úr leik

Marthe Sördal, lleikmaður Fram. Eggert Jóhannesson

Fram er úr leik í Áskorendakeppni kvenna í handknattleik eftir sex marka tap, 21:15, fyrir HC Metalurg í síðari leik liðanna í Skopje í Makedóníu í dag. Fram vann fyrri leikinn með þriggja marka mun, 29:26. Þar með fer Metalurg áfram í undanúrslit keppninnar með samtals þriggja marka mun, 47:44.

Framliðið lenti strax undir leiknum í dag átti undir högg að sækja allan fyrri hálfleik því leikmenn Metalurg voru tveimur til fjórum mörkum yfir. Marthe Sördal skoraði tvö síðustu mörk fyrri hálfleiks og náði að minnka muninn í tvö mörk fyrir Fram áður en flautað var til loka hálfleiksins, staðan 8:6.

Leikmenn Metalurg náðu fljótlega þriggja til fjögurra marka mun í síðari hálfleik sem þeim tókst að halda allt þar til í lokin að örvæntingarfullar tilraunir Framara til að minnka muninn heppnuðust ekki og Metalurg náði að auk muninn meira. Framliðið virtist eiga möguleika á að minnka muninn en nokkuð af góðum færum s.s. hraðaupphlaupum heppnuðust ekki og góð færi fóru forgörðum sem er dýrt á útivelli í Evrópukeppni.

Mörk Fram: Marthe Sördal 5, Karen Knútsdóttir 4/1, Ásta Birna Gunnarsdóttir 2, Sigurbjörg Jóhannsdóttir 2, Pavla Nevarilova 2.

Íris Björk Símonardóttir stóð sig vel í marki Fram. Hún varði 20 skot, þar af tvö vítaköst.