„Vinnubrögðin Haukum til minnkunar“

Halldór Ingólfsson leikur ekki meira með Gróttu. mbl.is/Ómar

Eftir Ívar Benediktsson, iben@mbl.is

„Við töldum okkur ekki eiga annarra kosta völ en að slíta samstarfinu við Halldór þegar í ljós kom að hann hafði samþykkt tilboð Hauka um að taka að sér þjálfun liðs þeirra á næstu leiktíð,“ segir Eiríkur Elís Þorláksson, formaður handknattleiksdeildar Gróttu, um tafarlausa uppsögn Halldórs Ingólfssonar sem þjálfara karlaliðs Gróttu í N1-deild inni á föstudagskvöld.

Eiríkur Elís segir að óánægja Gróttumanna snúi fyrst og síðast að Haukum og þeim vinnubrögðum sem forsvarsmenn deildarinnar temji sér með því að ræða við þjálfara sem eru samningsbundnir öðrum liðum og það nokkru áður en keppnistímabilið er úti. Halldór gerði þriggja ára samning við Gróttu á síðasta vori en í honum var útgönguleið að loknu tímabili á hverju ári.

Nánar er rætt við Eirík um málið í íþróttablaði Morgunblaðsins í dag en þar segir hann m.a. að vinnubrögðin séu Haukum til minnkunar.