Haukar nálgast Stjörnuna

Hanna G. Stefánsdóttirvar einu sinni sem oftar markahæst hjá Haukum í kvöld. hag / Haraldur Guðjónsson

Haukar eru aðeins þremur stigum á Stjörnunnar sem í þriðja sæti úrvalsdeildar kvenna, N1-deildinni, þegar tvær umferðir eru eftir. Haukar unnu í kvöld Víkinga, 36:8, á heimavelli sínum eftir að hafa verið fjórtán mörkum yfir í hálfleik, 17:3.

Haukar eiga þar með möguleika á að ná þriðja sæti deildarinnar á lokasprettinum verði Stjörnunni á í messunni. Bæði lið eiga eftir að mæta KA/Þór í tveimur síðustu umferðum deildarinnar en auk þess á Stjarnan eftir að sækja Fram heim og Haukar að fá FH í heimsókn.

Mörk Hauka: Hanna Guðrún Stefánsdóttir 10, Erna Þráinsdóttir 6, Ester Óskarsdóttir 5, Viktoría Valdimarsdóttir 4, Sandra Sigurjónsdóttir 4, Þórdís Helgadóttir 2, Erla Eiríksdóttir 1, Þórunn Friðriksdóttir 1, Tinna Barkardóttir 1, Karen Helga Sigurjónsdóttir 1, Gunnhildur Pétursdóttir 1.
Varin skot: Bryndís Jónsdóttir 12, Heiða Ingólfsdóttir 6.
Utan vallar: 2 mínútur.
Mörk Víkings: Guðrún Ósk Jónsdóttir 5, Harpa Sif Gísladóttir 1, Guðný Halldórsdóttir 1, María Karlsdóttir 1.
Varin skot: Hugrún Lena Hansdóttir 9.
Utan vallar: 6 mínútur.
Dómarar: Kári Garðarsson og Magnús Jónsson.
Áhorfendur: 142.

Fylkir komst upp í 5. sæti N1-deildar kvenna í kvöld með sigri á HK, 28:24, í Fylkishöll.