Nielsen staðfestir komu Snorra til AG København

Snorri Steinn Guðjónsson í leik gegn Dönum. mbl.is/Kristinn

Eftir Ívar Benediktsson, iben@mbl.is

„Það á eftir að hnýta nokkra lausa enda varðandi leikmannahópinn en ég get að minnsta kosti sagt að við bjóðum Snorra Guðjónsson og Thomas Bruhn velkomna til Danmerkur á nýjan leik frá samstarfsfélagi okkar í Þýskalandi, Rhein-Neckar Löwen,“ sagði danski auðmaðurinn Jepser Nielsen í samtali við danska handknattleiksvefinn haandbold.com í gær.

Nielsen staðfesti þar með það sem áður hafði komið fram í þýska dagblaðinu Mannheimer Morgenpost, fyrir skömmu og Morgunblaðið greindi frá í síðustu viku, að Snorri Steinn Guðjónsson flytur sig á ný yfir landamærin til Danmerkur í sumar og gerist leikmaður danska stórliðsins AG København.

Nánar er fjallað um málið í íþróttablaði Morgunblaðsins í dag.