Árin tvö hjá Lemgo voru Vigni vonbrigði

Vignir Svavarsson landsliðsmaður í handknattleik hefur gert tveggja ára samning við þýska 1. deildarliðið Hannover-Burgdorf. Aron Kristjánsson var nýlega ráðinn þjálfari liðsins en Vignir lék undir hans stjórn hjá danska liðinu Skjern á sínum tíma. Með Hannover-Burgdorf leikur Hannes Jón Jónsson og þá gengur Heiðmar Felixson til liðs við félagið í sumar frá Lübbecke eins og Morgunblaðið greindi frá á fimmtudaginn.

Vignir færir sig um set í Þýskalandi en hann hefur verið í tvö ár hjá Lemgo. „Það má segja að þessi tvö ár í Lemgo hafi verið vonbrigði, bæði innan vallar sem utan. Ég taldi mig vera að fara til toppfélags í handboltanum en reynsla mín af þessu félagi er bara ekkert sérstök.“

Nánar er rætt við Vigni í Morgunblaðinu í dag.