Hamburg marði Lemgo

Vignir Svavarsson og Ásgeir Örn Hallgrímsson mbl.isKristinn Ingvarsson

Hamburg náði í kvöld fimm stiga forskoti á toppi þýsku 1. deildarinnar í handknattleik þegar liðið marði Lemgo, 32:31. Það stefndi í öruggan sigur Hamburg. Liðið var sjö mörkum yfir í hálfleik, 17:10, en Lemgo tókst að jafna metin, 31:31, þegar 15 sekúndur voru eftir. Á lokasekúndunni tryggði svo Martin Lijewski Hamburg sigurinn.

Vignir Svavarsson komst ekki á blað með Lemgo í kvöld en Logi Geirsson var ekki í leikmannahópnum. Báðir yfirgefa þeir liðið eftir tímabilið. 

Hamburg hefur 45 stig í efsta sæti en Kiel, lið Alfreðs Gíslasonar og Arons Kristjánsson er í öðru sæti með 40 stig en á tvo leiki til góða. Lemgo er í sjötta sæti með 30 stig.