Lindberg stefnir á markakóngstitilinn

Hans Lindberg, hvítklæddur, í leik með Dönum á EM í Austurríki. mbl.is/Kristinn Ingvarsson

Danski landsliðsmaðurinn Hans Lindberg, sem á ættir að rekja til Íslands, er með örugga forystu í baráttunni um markakóngstitilinn í þýsku 1. deildinni í handknattleik.

Lindberg, sem er hornamaður hjá toppi Hamburg, hefur skorað 189 mörk. Næstur á eftir honum er Lars Kaufman í liði Göppingen sem hefur skorað 165 mörk og í þriðja sæti er Uwe Gensheimer, Rhein-Neckar Löwen, sem hefur skorað 146 mörk.

Ólafur Stefánsson er markhæsti Íslendingurinn í deildinni en hann hefur skorað 94 mörk fyrir Rhein-Neckar Löwen og er í 33. sæti á markalistanum.