Enn ein rósin í hnappagat þjálfarans Alfreðs

Alfreð Gíslason er geysilega sigursæll. mbl.is/Kristinn

Ívar Benediktsson iben@mbl.is

Alfreð Gíslason varð í fyrradag fyrsti þjálfarinn til þess að vinna Meistaradeild Evrópu í handknattleik með tveimur þýskum liðum þegar Kiel vann Barcelona, 36:34, í úrslitaleik í Köln. Síðan Meistaradeild Evrópu var hleypt af stokkunum haustið 1993 hafa þýsk handknattleikslið aðeins unnið keppnina þrisvar sinnum.

Þessi sigur er enn ein rós í hnappagat Alfreðs sem fyrir löngu hefur skipað sér á bekk meðal allrafærustu og -virtustu handknattleiksþjálfara heims.

Árangurinn nú er sérstaklega athyglisverður í ljósi þess að Alfreð hefur allt frá áramótum ekki getað stillt upp sínu sterkasta liði því nokkuð hefur verið um meiðsli meðal sterkra leikmanna í frekar fámennum leikmannahópi, sé tekið mið af ýmsum öðrum liðum.

Í átta síðna íþróttablaði Morgunblaðsins í dag er ítarlega fjallað um Alfreð og glæsilegan feril hans.