Íþróttir
|
Handbolti
| mbl
| 11.3.2011
| 9:06
Sami hópur gegn Þjóðverjum
Ólafur Stefánsson sækir að þýsku vörninni í leik Íslands og Þýskalands í fyrrakvöld. mbl.is/Árni Sæberg
Guðmundur Þórður Guðmundsson landsliðsþjálfari í handknattleik mun tefla fram sama leikmannahópi í leiknum gegn Þjóðverjum á sunnudaginn og hann var með í fyrrakvöld þegar Íslendingar lögðu Þjóðverja, 31:26, í fyrri rimmu þjóðanna í undankeppni Evrópumótsins.
Akureyringarnir Oddur Gretarsson og markvörðurinn Sveinbjörn Pétursson voru utan hóps á miðvikudaginn og þeir fóru ekki með liðinu til Þýskalands í morgun.
© Árvakur hf.
Öll réttindi áskilin
