„Frábært fyrir Hafnarfjörð“

Aron Kristjánsson, þjálfari Hauka. Golli / Kjartan Þorbjörnsson

Aron Kristjánsson, þjálfari Hauka, gat ekki neitað því að hann var farinn að velta því fyrir sér hvort Haukar og FH myndu mætast í bikarúrslitum.

„Maður var farinn að gæla við þá hugmynd vegna þess að þetta hefur aldrei gerst og liðin voru ekki langt frá þessu núna. Í staðinn fáum við frábæra skemmtun í undanúrslitum og það er frábært fyrir Hafnarfjörð,“ sagði Aron í samtali við Morgunblaðið í gær en leikurinn fer fram á heimavelli Hauka.

„Já oft hefur það verið þannig að heimavöllurinn hefur aðeins skipt máli. Við munum mæta þeim tvisvar á fjórum dögum á Ásvöllum og það verður veisla.“