Haukar sterkari í Hafnarfirðinum

Þórsteina Sigurbjörnsdóttir. Ljósmynd/Júlíus G. Ingason

Haukar unnu FH í N1-deild kvenna í handbolta í dag, 32:23 og fyrr í dag vann ÍBV lið Gróttu á Nesinu 19:26.

Hafnarfjarðarslagurinn varð ekki spennandi enda staðan 16:12 í hálfleik. Markahæst var Diana Sigmarsdóttir með 7 mörk og Ásta Björk Agnarsdóttir gerði 6, en hjá FH var Berglind Ósk Björgvinsdóttir með 5 mörk.

Á Seltjarnarnesi var ÍBV 9:12 yfir í leikhléi og náði Grótta ekki að ógna sigri Eyjakvenna í síðari hálfleik. Þórsteina Sigurbjörnsdóttir gerði 8 mörk fyrir ÍBV en hjá Gróttu var Sunna María Einarsdóttir með 6 mörk.