Ísland mætir Hollandi í umspili HM
Íslenska landsliðið mætir Hollandi í umspilinu. Reuters
Íslenska landsliðið í handknattleik karla mætir Hollendingum í tveimur umspilsleikjum um sæti á heimsmeistaramótinu í handknattleik karla sem fram fer á Spáni eftir ár. Leikirnir fara fram í 9. eða 10. júní og 16. eða 17. júní og á Ísland heimaleikinn fyrri helgina. Sigurliðið í leikjunum tveimur tryggir sér keppnisrétt á HM.
Dregið var fyrir stundu í Beogradska íþróttahöllinni í Belgrad. Ísland var þriðja síðasta landið sem dregið var upp úr hattinum af þeim þjóðum sem voru eftir í fyrsta styrkleikaflokki. Þá voru Holland, Bosnía og Svartfjallaland eftir í neðri styrkleikaflokknum.
Aðrir leikir umspilsins eru eftirfarandi:
Litháen - Pólland
Rússland - Tékkland
Slóvenía - Portúgal
Slóvakía - Hvíta-Rússland
Makedónía - Austurríki
Ungverjaland - Noregur
Þýskaland - Bosnía
Svíþjóð - Svartfjallaland
