Stella: Get ekki útskýrt þetta

Ólafur Már Þórisson, omt@mbl.is

Stella Sigurðardóttir skoraði 10 mörk og var helsta ástæðan fyrir því að Fram vann HK 23:20 þegar liðin mættust í Digranesi í kvöld. Stella sagðist ekki geta útskýrt afhverju leikmenn liðsins virtust hálfdofnir og þreyttir en sagði það ekki erfiðum æfingum að undanförnu að kenna.

Það sýnir ef til vill betur en annað styrk liðsins að vinna engu að síður þriggja marka sigur á liðinu í þriðja sæti N1-deildarinnar í handknattleik.

Hún sagði Fram hafa litið á þennan leik sem tækifæri til að hefna ófaranna gegn HK í fyrstu umferð þegar HK hafði sex marka sigur og er enn eina liðið sem unnið hefur Fram í deildinni á þessu keppnistímabili.