Einar: Það duttu út póstar

Jóhann Karl Reynisson brýst í gegnum vörn Gróttu í kvöld til að skora eitt tveggja marka sinna í 23:21 sigri. mbl.is/Golli

Stefán Stefánsson
ste@mbl.is

„Ég er mjög ánægður með baráttuna“,  sagði Einar Jónsson þjálfari Fram eftir 23:21 sigur á Gróttu í Safamýrinni þegar 13. umferð N1-deildar karla var leikinn eftir langt frí.  

„Við höfum æft vel í fríinu og liðið er vel stemmt svo við vorum klárir í leikinn, ekki síst í varnarleikinn en það duttu út nokkrir stórir póstar rétt fyrir leik svo við fengum nýja menn inn, sem skiluðu sínu vel þó þeir væru ekki nógu "smurðir" í sóknarleiknum auk þess að við erum ekki með hávaxnasta liðið.  Hinsvegar varði markmaður Gróttu vel eða þá að við skutum illa á markið en við áttum að skora um þrjátíu mörk.“