HK knúði fram sigur á Akureyri

Tandri Konráðsson úr HK og Guðmundur Hólmar Helgason, Akureyri, eigast við. mbl.is/Golli

Andri Yrkill Valsson, sport@mbl.is

HK sigraði Akureyri, 27:25,  í 13. umferð úrvalsdeildar karla í handknattleik, N1-deildinni, í Höllinni á  Akureyri í kvöld. HK er þá komið með 17 stig og er í öðru sæti sem stendur en Akureyri er með 14 stig í sjötta sætinu.

HK virtist með sigurinn í höndunum, var 25:19 yfir þegar 12 mínútur voru eftir. Þá  skoraði Akureyri sex mörk í röð og jafnaði í 25:25, tveimur mínútum fyrir leikslok. Vilhelm Gauti Bergsveinsson kom HK yfir á ný og Bjarki Már Elísson tryggði sigurinn í lokin.

Bjarki Már, Tandri Konráðsson og Ólafur Bjarki Ragnarsson skoruðu 5 mörk hver fyrir HK en Bjarni Fritzson gerði 9 mörk fyrir Akureyringa.

Lið Akureyrar: Sveinbjörn Pétursson, Stefán Guðnason -- Geir Guðmundsson, Bjarni Fritzson, Guðmundur Hólmar Helgason, Guðlaugur Arnarsson, Jón Heiðar Sigurðsson, Heimir Örn Árnason, Oddur Gretarsson, Bergvin Þór Gíslason, Daníel Örn Einarsson, Halldór Tryggvason, Hörður Fannar Sigþórsson, Heiðar Þór Aðalsteinsson.

Lið HK: Björn Ingi Friðþjófsson, Arnór Freyr Stefánsson -- Bjarki Már Gunnarsson, Björn Þórsson Björnsson, Bjarki Már Elísson, Tandri Már Konráðsson, Leo SNær Pétursson, Ólafur Bjarki Ragnarsson, Atli Ævar Ingólfsson, Garðar Svansson, Daníel Berg Grétarsson, Sigurjón Friðbjörn Björnsson, Vilhelm Gauti Bergsveinsson, Atli Karl Bachmann