Lárus Helgi: Botninn datt úr hjá okkur
Þórir Jökull Finnbogason skoraði tvö mörk fyrir Gróttu í 23:21 tapi fyrir Fram í kvöld. mbl.is/Golli
„Þetta var svekkjandi, alveg eins og gegn FH og Aftureldingu“, sagði Lárus Helgi Ólafsson markvörður Gróttu, sem stóð sig mjög vel gegn Fram í kvöld þó það hafi ekki dugað til því Fram vann 23:21 í þessari 13. umferð N1-deildar karla.
„Þó við höfum ekki verið komnir með unnin leik, langt í frá en við vorum samt í góðri stöðu með að gera út um þennan leik. Þegar svo botninn datt úr þessu hjá okkur síðasta korterið missum við niður einbeitinguna og forskotið. Við erum ekki með leikreynt lið og mjög ungt, það gæti hafa spilað inní þessi úrslit en við setjum þetta í reynslubankann fyrir næsta leik og við nýtum það í næsta leik. Við höfum reynt að æfa eins og skepnur í fríinu, höfum bætt okkur líkamlega og erum sterkari enda var vörnin flott í dag þó við þurfum að pússa hana aðeins.“
