Lindberg ekki með í Stjörnuleiknum vegna meiðsla
Hans Lindberg verður að láta sér nægja að horfa á Stjörnuleikinn að þessu sinni. Reuters
Hans Lindberg, hægri hornamaður danska landsliðsins í handknattleik og þýska 1. deildar liðsins Hamburg, er meiddur og verður því ekki með í Stjörnuleiknum sem er árviss viðburður í þýska handboltanum. Meiðslin eru auðvitað slæm tíðindi fyrir Hamburg en útiloka einnig þátttöku hans í Stjörnuleiknum sem fer fram á morgun.
Lindberg er meiddur í baki eftir Evrópumótið í Serbíu þar sem Danir urðu eins og kunnugt er Evrópumeistarar. Óvíst er hvað hornamaðurinn verður lengi frá en hann segir leiðinlegt að geta ekki tekið þátt í leiknum á morgun. „Það er alltaf gaman að spila í Stjörnuleiknum. Sérstaklega þar sem allir koma saman.“
Lærisveinn Dags Sigurðssonar hjá Fücshe Berlín, Mark Richwien var valinn í stað Lindbergs.
Þýska landsliðið mætir úrvalsliðinu sem er stjórnað af þeim Alfreð Gíslasyni, þjálfara Kiel, og Jan Gorr, þjálfara Hüttenberg. Eini Íslendingurinn í liðinu er Alexander Petersson.
Úrvalsliðið er þannig skipað:
(nafn, lið, þjóðerni)
Mark:
Goran Stojanović (Rhein-Neckar Löwen, Svartfjallaland)
Mattias Andersson (SG Flensburg-Handewitt, Svíþjóð)
Thierry Omeyer (THW Kiel, Frakkland)
Vinstra horn:
Ivan Nincevic (Füchse Berlin, Króatía)
Kevin Schmidt (HSG Wetzlar, Þýskaland)
Anders Eggert (SG Flensburg-Handewitt, Danmörk)
Vinstri skytta:
Drago Vukovic (TuS N-Lübbecke, Króatía)
Matthias Gerlich (TV Hüttenberg, Þýskaland)
Filip Jicha (THW Kiel, Tékkland)
Miðja:
Domagoj Duvnjak (HSV Hamburg, Króatía)
Daniel Narcisse (THW Kiel, Frakkland)
Bartlomiej Jaszka (Füchse Berlin, Pólland)
Hægri skytta:
Alexander Petersson (Füchse Berlin, Ísland)
Kim Andersson (THW Kiel, Svíþjóð)
Krystztof Lijewski (Rhein-Neckar Löwen, Pólland)
Hægra horn:
Mark Richwien (Füchse Berlin, Þýskaland)
Robert Weber (SC Magdeburg. Austurríki)
Vedran Zrnic (VfL Gummersbach, Króatía)
Línumenn:
Bertrand Gille (HSV Hamburg, Frakkland)
Bartosz Jurecki (SC Magdeburg, Pólland)
Marcus Ahlm (THW Kiel, Svíþjóð)
