Verðlaunagripir á þjóðminjasafni

Danir fagna sigri á EM í handknattleik fyrir skömmu. Reuters

Verðlaunagripir sem danska landsliðið í handknattleik karla fékk fyrir sigurinn á Evrópumeistaramótinu í handknattleik í Serbíu á dögunum verða til sýnis á þjóðminjasafni Dana í Kaupmannahöfn næstu vikurnar.

Um er að ræða bikar sem landsliðið vann til eignar ásamt farandskildi og nokkrum verðlaunapeningum sem leikmenn fengu afhenta eftir að hafa lagt Serbíu í úrslitaleiknum í Beogradska íþróttahöllinni í Belgrad fyrir rúmri viku.

Svipaður háttur var hafður á þegar danska landsliðið í knattspyrnu karla varð óvænt Evrópumeistari fyrir 20 árum. Þá voru verðlaunagripir þess til sýnis um skeið á þjóðminjasafninu í Kaupmannahöfn.