Aron: Ráðaleysi í sókninni

Aron Kristjánsson, þjálfari Hauka. Golli / Kjartan Þorbjörnsson

Fyrri hálfleikurinn var ágætur af okkar hálfu en við vorum bölvaðir klaufar að fara ekki inn í klefa með þriggja til fjögurra marka forskot. Seinni hálfleikurinn var hins vegar mjög slakur af okkar hálfu,“ Aron Kristjánsson, þjálfari Hauka, við mbl.is eftir ósigurinn gegn FH-ingum í N1-deildinni á Ásvöllum í kvöld.

„Fyrst gerðum við okkur seka um einstaklingsmistök í vörninni og síðan varð algjört
ráðaleysi í sókninni þegar menn hættu að horfa á markið. Skotin mörg hver hjá okkur voru hrikalega döpur og við vorum að fá okkur nokkur vond mörk eins og þegar Andri var að skora af 10-11 metra færi en sjálfir vorum við að fara illa með dauðafærin,“ sagði Aron.

Þið fáið kjörið tækifæri til að koma fram hefndum á sunnudaginn?

,,Nú tekur við annað spennandi einvígi á sunnudaginn í annarri keppni. Við verðum auðvitað að selja okkur dýrt í þeim leik. Við munum safna okkar vopnum og nú er mikilvægt að menn haldi hjartanu í brjóstkassanum og verði áræðnir,“ sagði Aron.